Sa interview sa DXDC RMN Davao kang PSMS Jonipher Hinampas, Desk Officer sa Sta. Cruz MPS, iyahang giila ang driver sa bus nga maso si Randy Lasquite, 34 anyos, taga Bajada, Davao City.
Gisaysay ni Hinampas nga gikan Davao City Overland Transport Terminal (DCOTT) ug padulong Cotabato ang bus ug pag-abot sa maong lugar, didto na nahitabo ang disgrasya.
“Pag-abot niya sa place of incident sa Barangay Coronon, medyo gibati sya’g katulogon siguro unya na-lose control sya sa iyang steering wheel. Mao na’ng nahulog sya sa kanal,” saysay ni Hinampas.
Tungod sa insidente, pipila ka mga pasahero ang nakahiagum og minor injuries, apan luwas na sab ang ilang kahimtang.
Padayong pahimangno sa awtoridad nga siguradohong kondisyon ang lawas ug bisan ang sakyanan aron malikayan ang unsa mang insidente sa pagbiyahe.
RadyoMaN Kirby Manzon
