30% na ang nabakunahan dinhi sa Zamboanga del norte

20

Kutob sa Hunyo 16, adunay 30% na sa populasyon sa A1, A2 ug A3 nga kategoriya ang kumpleto nang nabakanuhan sa Sinovac ug AstraZeneca batok COVID-19 dinhi sa Zamboanga del Norte.
Kini ang nasayran gikan ni Ms. Clarinda Ramos Vidallo, ang National Immunization Program Coordinator sa Provincial Health Office.
Dugang ni Ms. Vidallo sa 165,927 nga kinatibuk-ang populasyon sa tulo ka kategoriya, adunay 49,851 ang nabakunahan sa Sinovac ug AstraZeneca kutob Hulyo 16.
Gisaysay ni Ms. Vidallo nga kini gumikan kay ang uban gibati pag kahadlok nga magpabakuna niini.
Nasayran nga ang A1 mao ang frontliners ug health workers, A2-senior citizens ug A3-with comorbidities.
Niini, giawhag ni Dr. Esmeralda Nadela ang publiko nga nahilakip sa tulo ka kategoriya magpabakuna na batok sa COVID-19.
Sa pagkakaron, padayon ang pagpahigayon sa pagbakuna sa Sinovac alang sa nahisgutang tulo ka kategoriya sa duha ka dakbayan sa Dipolog ug Dapitan ug sa kalungsuran ning probinsya. (PIC-mbmontederamos)

Facebook Comments