Davao City – Gibutang na sa isolation facility ang kapin 30 ka mga piniriso sa Toril Police Station human nagpositibo sa COVID-19.
Sumala ni Police Major Michael Uyanguren ang Chief of Police sa Toril Police Station, lakip gi-isolate ang duha ka babayi nga kauban sa 30 ka mga piniriso nga gi-swab test ug padayon ginamonitor sa mga personahe sa City Health Office (CHO) ang kondisyon sa panglawas sa mga piniriso.
Dugang sa hepe, 14 usab ka pulis ug 6 ka Police Auxillary lakip na ang contact tracers ang gi-quarantine sa maong buhatan ug gikatakdang ipailawom sa swab test human na-expose sa mga nagpositibo nga mga piniriso.
Gipasabot ni Uyanguren nga wala gi-lockdown ang Toril Police Station gani padayon ang operasyon alang sa pag-serbisyo sa katawhan.
RadyoMaN Don Pulayao
