Bilang pagpapalakas sa pwersa ng kapulisan sa Region 1, nanumpa sa tungkulin ang 300 bagong pulis sa PRO 1 Grandstand, San Fernando City, La Union. . Personal nanumpa ang mga ito Kay PRO1 Regional Director PBGEN Lou Evangelista.
Ang mga ito ay pumasa sa mahigpit na screening process na pinangunahan ng PRO 1 Regional Screening Committee.
Sa nasabing bilang 83 sa mga pumasa ang babae at 217 naman ang lalaki. Sa naging mensahe ni Evangelista, pinaalalahanan nito na galingan sa kanilang training upang mas maging handa sa trabaho ng Isang pulis.
Binigyang diin nito na ang kanilang training ay pundasyon na magbibigay ng dapat na kaalaman upang mas magampanan ang kanilang tungkulin.
Sasailalim ang mga ito sa anim na buwang pagsasanay sa Regional Training Center 1, Aringay, La Union.
Ang mga bagong pulis na may ranggong Patrolman ay Tatanggap ng sweldong P29, 668.00 kasama na ang kanilang allowance habang nasa training. |𝙞𝙛𝙢𝙣𝙚𝙬𝙨
Facebook Comments
