Davao City- Mokabat sa 300 ka mga miyembro sa indigenous peoples sector gikatakdang mupailawom sa training isip usa ka sundalo karong bulan sa Oktubre.
Matud ni 10th Infantry Division Spokesperson Capt. Rhyan Batchar nga wala na gi-require ang maong mga ips sa ubang requirements sama sa AFP Service Aptitude Test (*AFPSAT*) ingon man sa ilang edad.
Segun ni Batchar nga kini maoy pinaka unang higayon nga adunay training diin ang mga aspirante halos mga IPs.
“Tanan nga tribes gihataga’g higayon nga maka-join sa army” sumala ni Batchar.
Gibutyag niini nga sulod sa unom ka bulan, bansayon ang 300 ka mga ips uban ang laing 100 ka mga aplikante pagka sundalo.
“Kumpleto na sila, naghulat nalang sila sa final listing ug after the final listing magsugod na sila’g training next month. Three months for the basic military training and another three months for the jungle warfare training” sumala ni Batchar.
Mamahimong makaserbisyo usab sila sulod sa unom ka tuig ug kung buot nilang mamahimong regular nga sundalo sa Philippine Army, i-require sila nga mo-undergo og eksaminasyon para sa *AFPSAT*.
Sumala ni Batchar nga sagad sa mga ips bulnerable sa pagpang-recruit sa New Peoples Army tungod kay ang npa kasagarang nagalihok diha mismo sa ilang mga lugar.
Gipasabot ni Batchar nga kini nga kahigayonan ilang gitagana alang sa mga ips aron aduna silay maayong panginabuhian gikan sa ilang madawat nga sweldo ug mga insentibo isip parte sa Philippine Army.
“Most probably kung taga asa sila didto sila i-assign kay usa sa mga nakita natong importance nganong gi-recruit nato sila is to communicate with their leaders ug sa ilang mga ka-tribu” segun ni Batchar.
Radyoman Aimee Guinita
