Davao City – Kapin 300 ka mga Overseas Filipino Workers kun OFWs ang gimaltrato sa ilang amo didto sa Kuwait.
Kini base sa datos nga gipagawas sa Overseas Workers Welfare Administration kun OWWA XI.
Sumala ni OWWA XI labor communication officer Maricel Sarabillo nga sa datus nga ilang gipagawas gikan sa bulan sa Enero hangtod sa bulan sa Disyembre tuig 2017, anaa sa 279 ka mga OFWs ang gipang-abuso sa ilang mga employers, samtang gikan Enero 1-31 ning tuiga, 27 ka mga OFWS ang natalang gimaltrato.
Sumala ni Sarabillo nga sagad sa hinungdan nga madagmalan sa ilang amo ang mga domestic helper mao ang dili pagkasinabtanay ug duna pud uban employers nga mangtas og batasan og dapatan ang mga workers sa walay igong rason.
Tungod sa pagmaltrato, pipila na ang nakabsan sa kinabuhi sama ni Joanna Demafelis nga gisulod pa sa usa ka freezer sa iyang amo sa Kuwait.
RadyoMaN Don Pulayao
