TACLOBAN CITY – Umabot ha 25 ka oras nga temporaryo nga nag-shutdown an Tacloban City Airport tungod han potholes ha runway durot han waray undang nga uran.
Kakulop han aga, nag-resume na an operasyon han Daniel Z. Romualdez airport matapos an ginbuhat nga emergency repair ha runway.
Sirado an airport ha air traffic alas 5:00 han kulop dida han Myerkules matapos nga makit-an an 100 nga potholes ha runway.
50 centimeters an kahilaparon han pinakadako nga pothole ini in sumala kan Engr. Danilo Abareta, Area Manager han Civil Aviation Authority of the Philippines o kun CAAP.
Natapos an emergency repair alas 9 han gab-i dida han huwebes, apektado an 3000 nga mga pasahero nga nagresulta han pagkansela han maabot unom nga flights.
An DZR Airport in mayada 30 nga flights kada adlaw tipakadto ha Manila, Cebu ngan Davao.
