3,000 pesos, multa sa mohatag og plastic bag

109
PC: CIO/ Ma'am Maricel Rivera

Tres mil pesos ang multa kada plastic bag ang bayad sa tanang tag-iya sa mga  tindahan ning syudad sa oras nga masapon sila nga mohatag og plastic bag sa ilang mga customers.

 

Kini sa oras nga hingpit nang ipatuman sa City hall sunod tuig ang “Plastic Regulation Ordinance” dinhi sa Cagayan  de Oro.


 

Matud ni Armen Cuenca, hepe sa City Local Environment and Natural Resources Office kon CLENRO nga  sila sa CLENRO ang hingpit nga magpatuman sa “Plastic regulation Ordnance” sugod sa Enero 1.

 

“Dili  customer ang multahan kon dili kadtong tindahan nga naghatag ug putos nga plastic sa ilang mga consumers” matud ni Cuenca.

 

Gibutyag ni Cuenca nga sugod niadtong bulan sa Oktubre nagsugod na ang malls ning syudad sa ilang dry-run paghatag og Eco Bag sa ilang mga customers.

 

Matud ni Cuenca nga sa matag Miyerkules ug Biyernes sa matag senama ang mga malls ning syudad dili na mohatag sa plastic hand bag sa ilang mga customers.

 

Gipasabot  sa hepe sa CLENRO nga tungod sa maong dry run ilang namatikdan sa CLENRO  nga mikanaog ang volume sa  mga basura nga gihakot sa mga garbage truck.

Facebook Comments