30K personnel mubantay sa Pasko Fiesta 2019

70

Davao City – Kasado na ang seguridad sa Pasko Fiesta 2019 dinhi sa dakbayan sa Davao.


Sa interbyu sa DXDC RMN Davao kang Public Safety and Security Command Center chief, Angel Sumagaysay, kapin 30,000 ang sumada sa ihap sa mga personahe gikan sa nagkadaiyang security forces ang ipakatag sugod Nobyembre 22, 2019 hangtud Enero 2, 2020.

“Ang average na deployment natin per day is almost 900 personnel integrated na na siya,” matud ni Sumagaysay.

Segun ni Sumagaysay adunay adjustments sa deployment partikular na sa main events sa Pasko Fiesta.

“We will just level up our security postures while we are celebrating our Pasko Fiesta much more with our highlights and for our Simbang gabi,” sumala ni Sumagaysay.

Subling panawagan niini sa publiko nga mutuman sa mga hugot nga seguridad labina sa mga lugar nga gideklarang Maximum Security Zone.

Samtang, matud ni Davao City Police Office Spokesperson, Police Capt. Rosario Aguilar nga naka-full alert status na ang kapulisan lahos na sa bag-ong tuig.




RadyoMaN Aimee Guinita

Facebook Comments