Porcaosa con el mal tiempo un Basnig el ya sumi na isla de Tigtabon na costa easte del ciudad donde abordo el 31 tripolante.
Na entrevista del RMN Zamboanga si Lt. Senior Grade Alvin Dagalea – Commander del Philippine Coast Guard Zamboanga Station ya habla que todo el mga 31 pescador ya puede sila man rescue despues ya recivi el distress call endenantes madrogada.
Asigun con Dagalea cuando ya recivi sila el llamada insiguidas ya imvia sila personajes na Tigtabon Island mientras el grande portion del basnig el lumos ya.
Na mismo tiempo ya reporta tambien si Dagalea que ya cansela ya sila con el mga viaje del mga barco para na Basilan, Sulu, Tawi-tawi y otro mga inter-island.
Ya esplica tambien si Dagalea que ya imvia ya tambien sila mga personajes y ya despacha ya Rubber boat para na Vitali donde este mga tiempo under water.
Tags. RMN Zamboanga, Ifm Zamboanga, Ronda del Basilan
