General Santos City—patay nang nakaplagan ang usa ka 32 anyos sa may Irrigation Canal nga nahimutang sa Conel Road, Barangay Lagao, Gensan.
Biktima giilang si Dante Piaga 32, minyo, trabahante sa Banana Plantation, lumad nga taga Malungon, ug Stay in sa Leloha Vill., Barangay Lagao, Gensan alas 6:00 pasado ang takna kaganinang buntag.
Sa inisyal nga imbistigasyon sa kapulisan nasuta nga nakit-an sa mga nangaging nakamotorsiklo ang patayng lawas sa biktima uban sa gimanihuang motorsiklo niini nga anaa na sa irrigation canal nga iyaha sa NIA.
Sumala sa mga kaubanan sa nasangpit nga adunay party sa gitrabahuan sa nasangpit kagahapong adlawa diin sila nag-inum. Ala 1:00 sa kaadlawon dihangnananghid ang nahisgutan nga mupalit ug ilimnong makahubog.
Nanghulam pa kini ug motorsiklo sa iyang kaubanan, apan sila natingala nga wala na mibalik ang nahisgutan. ila nalang nabalitaan nga patay na kining nakaplagan.
Migawas sa imbistigasyon sa kapulisan nga nahulog ang nasangpit sa Irrigation canal ug nabunal ang iyang ulo. Posibling nalipong ug nalumos ang nahisgutan nga resulta sa iyang kamatayon. Sa karon padayon pa ang imbistigasyon kalabutan sa insidenti.
