Davao City- Gipaningkamutan sa Davao City Ancillary Services Unit (ASU) nga mahuman dayon ang pagkuha sa mga debris ug mga basura sa mga barangays nga gibaha niadtong niaging semana.
Matud kang Engr. Japheth Caballero, in charge sa ASU drainage team, nakatutok sila sa Samantha homes tungod sa daghang mga limpyuhonon pa nga mga debris.
Gikabalak-an sa ASU nga kung muulan ug dili makuha ang mga debris sa creeks mubara kini nga hinungdan sa pagsaka sa tubig.
Niadtong Nobyembre 12, nakahabwa og 32 cubic meters nga basura, mga sagbot ug mga debris sa mga creeks.
Nagpadayon gihapon ang clearing operations sa mga flood-hit barangays sa syudad.
Gipahimangnuan sa ASU ang publiko nga iobserba ang saktong pag-dispose og basura aron dili kini mubara sa mga drainage systems ug creeks nga muresulta sa pagbaha ini’g muulan.
RadyoMaN Aimee Guinita
Facebook Comments
