Kiamba, Sarangani Province—Gipang-ibot sa tropa sa Kiamba PNP ug sa 27th Infantry Battalion, Philippine Army ang mukabat sa 32 ka punuan sa marijuana nga gitanum sa wala pa mailhing suspek sa bakanteng luna sa may Sitio Kawayan, Barangay Datu Dani, Kiamba niadtong nakalabayng adlaw.
Una nang nakadawat ug impormasyon ang 27th IB ug ang Kiamba Municipal Police Station nga matud pa dunay gitanum nga marijuana sa lugar.
Gilayon sab nilang girespondihan ang area nga miresulta sa positibong operasyon apan pakyas ang kapulisan nga madakpan ang cultivator sa maong marijuana human nga walay tawo sa lugar dihang ilang girespondihan.
Gilayon usab nga gisunog ang maong mga marijuana aron nga dili na mapuslan pa. sa karon ginasuta pa sa kapulisan kinsa nanag-iya sa maong marijuana.
