Davao City – Muabot sa 32 ka mga indibidwal ang napasakahan na og kaso human nga nagpresenta ang nahisgutan og peke nga RT-PCR (reverse transcription polymerase chain reaction) test result sa Davao International Airport (DIA).
Sa datos sa Davao City Public Safety & Security Command Center (PSSCC), muabot sa 60 ang nadakpan nga RT-PCR test result holder gikan Nobyembre 13, 2020 hangtud Marso 29, 2021.
Sa maong ihap, 32 ang Total Cases Filed, 3 ang For Inquest, 25 ang For Regular Filing.
Sa pagkakaron, 4 ang detained, 23 ang na-release human naka-bail, 1 ang na-dismiss.
Samtang 5 ang Uniformed Personnel ang nalambigit human nagpakita sa maong peke nga dokumento.
Una nang gisulti ni Davao City Mayor Sara Duterte-Carpio nga mas dobleng problema ang atubangon sa usa ka indibidwal sa iyang pagpresenta og peke nga resulta sa RT-PCR test diin gawas sa kaso, mugasto na usab sila alang sa tinuod nga RT-PCR test labi na nga mandatory ug wala nay libreng testing pag-abot sa DIA.
Kahinumduman nga niadtong Marso 23, 2021 gipatuman alang sa mga inbound passengers ang ‘test before flying’ sa DIA labi na nga nagkataas usab ang COVID-19 cases sa National Capital Region (NCR).
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
