Aabot sa 32 na lugar sa bansa ang posibleng makaranas ng delikadong lebel ng heat index bukas, araw ng Lunes.
Base ito sa two-day forecast ng PAGASA-DOST kung saan inaasahang makapagtatala ng 46°C na damang init ang Aparri, Cagayan.
Habang 45°C naman sa Dagupan City, Pangasinan; Tuguegarao, Cagayan; Ambulong, Tanauan Batangas; Coron, Palawan; San Jose, Occidental Mindoro; Aborlan, Palawan; Virac, Catanduanes at Roxas City, Capiz.
Posibleng maranasan din ng 44°C na heat index sa Laoag City at Batac, Ilocos Norte; Bacnotan, La Union; Echague, Isabela; Sangley Point, Cavite; Puerto Princesa City, Palawan; Iloilo City; Dumangas, Iloilo at Guiuan, Eastern Samar.
Habang 43°C naman sa Sinait, Ilocos Sur; Mambusao, Capiz; La Carlota, Negros Occidental at Dipolog, Zamboanga del Norte.
Samantala, inaasahang makapagtatala naman ng 42°C na damang init ang NAIA, Pasat City; Science Garden, Quezon City; Bayombong, Nueva Vizcaya; Tayabas City; Quezon; Legazpi, City Albay; Maasin, Southern Leyte; Davao City at Butuan City, Agusan del Norte.
