33-anyos, ginserbehan sang search warrant sa Brgy Dulangan Pilar bangud sa paghupot sang pusil!

Pilar, Capiz- Arestado ang isa ka persona matapos ini ang ginserbehan sang search warrant sang mga kapulisan alas 6:30 sang aga sa Brgy Dulangan, Pilar, Capiz. Narekober kay Eric Banico y Devierte, 33-anyos ang pang-edaron ang isa ka unit sang .38 caliber revolver nga may apat ka mga bala subong man isa ka unit sang homemade 12-gauge shotgun lakip ang isa ka magazine. Ang amo nga persona ang magapangatubang sang kaso nga paglapas sa Republic Act 10591 ukon “Comprehensive Firearms and Ammunition Regulation Act”. Nahibaluan nga nakabaton sang madamo nga mga reklamo ang kapulisan angut sa pagtuga sang gamo sang amo nga persona sa ila lugar kabangdanan ini ang ginkuhaan sang search warrant sa hukmanan.

Facebook Comments