Pilar, Capiz – Patay na sang nakit-an ang isa ka persona matapos ini ang ginapatihan nga nakuryente pasado alas 11 sang gab-i sa Barangay Monteflor, Pilar, Capiz.
Nakilala ang biktima kay Deo Bacli y Bacordeo, 33-anyos ang pang-edaron kag residente sang nasambitan nga lugar.
Nakit-an na lamang ini sang iya iloy nga si Nelly nga nagahandusay sa guha sang ila poluy-an kag nagahawid pa sa ginpanitan nga wiring.
Suno sa inisyal nga imbestigasyon sang Pilar Municipal Police Station, ginkaayo sang hubog nga biktima ang wire sang kuryente sa guwa sang ila balay kag ginapatihan nga ini ang aksidente nga nakuryente.
Gintinguhaan pa nga dal-on sa ospital ang amu nga biktima apang gindeklarar na ini nga dead-on-arrival.
(c)- web photo
Facebook Comments
