Gisikop sa mga otoridad ang usa ka 33 anyos nga lalaki human nakuhaan og armas sa Joint PNP and AFP Checkpoint sa Baloy, Tablon ning syudad sa Cagayan de Oro.
Ang suspek mao si Allan Olinan, minyo nga taga Target Range, Zone 7, Camp Evangelista, Barangay Patag.
Si Olinan sakay sa motorsiklo nga walay plate number ug walay mga papeles sa dihang miagi sa checkpoint niadtong Miyerkules sa gabie.
Nakuha usab gikan sa posisyon sa suspek ang usa ka homemade improvised handgun, mga bala ug Halloween mask.
Gidala sa Cugman Police Station ang mga ebidensya ug si Olinan alang sa tukmang disposisyon.
By: RadyoMaN Annaliza Amontos-Reyes
PC: Cpsc Cocpo
Facebook Comments
