Utro nga nagpapahinumdom an Bureau of Fisheries and Aquatic Resources o kun BFAR Region 8 nga diri la anay manguha hiton bis ano nga pangtion ha kadagatan nga ha pagka yana in positibo la gihapon han Red tide.
Naalarma man gud an BFAR matapos nga mamatay an sais anyos nga bata nga kumaon hin tahong nga kinuha dapit ha Irong Irong Bay ha Probinsya han Samar.
Nakaabat anay hin sakit ha tiyan ngan na dehydrate na ngan namatay samtang ginbubulong an bata ha Samar Provincial Hospital ha Catbalogan City.
Ha pagka yana, ha datos han BFAR Region 8 mayada pa 33 nga gin confine ha mao nga hospital nga mga taga Zumaraga ngan Daram ha Samar.
Positibo la gihapon hin Red tide an mga masunod; Irong-Irong Bay, Maqueda Bay, Villareal Bay ha Western Samar, Matarinao Bay ha Eastern Samar, Carigara Bay naman ha Leyte.
Pahinumdom han buhatan, pwede kumaon hin isda, pasayan, ngan masag basta upayon anay an paglimpyo hini.
