Pagadian City – Patay sa pagpamusil ang usa ka lalake didtong dapita sa National Highway, Zone 2, Barangay Tiguma sakop ning syudad sa Pagadian alas 12 ang takna kaganinang kadlawon ( April 24, 2021).
Naila ang biktima sa pangalan nga si Jason Delgado Taylor, 34 anyos, lalake, residente sa Purok Marang, Barangay Tuburan sakop ning syudad sa Pagadian.
Sa initial nga report nasayran nga naglakaw ang biktima uban sa iyang mga kaubanan sa dapit hitaboan sa dihang kalit nga miabot ug mipusil gilayon sa biktima.
Ang biktima nakahiagom ug igo pinusilan sa iyang nawong ug sa pipila ka parte sa iyang kalawasan nga meresulta sa pagkamatay sa biktima nga si Taylor.
Human sa maong pagpamusil dali nga misibat ngadto sa wala pa matino nga lugar ang suspek.
Padayon pa ining panahona ang mga personahi sa kapulisan sa ilang makuting imbestigasyon ug operasyon aron sa pagsikop sa responsably sa maong krimen.
Nerekober sa dapit hitaboan ang upat ka basyo sa kalebre 45 nga pistola nga maoy gigamit sa pagkutlo sa kinabuhi sa biktima. Padayon pa nga gisusi ang motibo sa maong krimen.
