TACLOBAN CITY – Arestado an usa nga 34 anyos nga lalaki han madabi ha bulang ha Brgy 67 Anibong, Tacloban City kakulop, March 23.
Basi ha report han Tacloban PNP station 2-Abucay, ginkilala an suspek nga hi Michael Labutap, 34 anyos, usa nga construction worker, residente han nasabi nga barangay.
Nagawas ha imbistigasyon nga usa nga concerned citizen an nagsumat ha mga otoridad nga may nagbubulang ha lugar.
Nagdumara naman hin operasyon an task force COVID kun diin ira nakompirma nga mayada gud man bulang ha nasabi nga barangay.
Arestado hi Labutap samtang an iba naman niya nga upod in kumalagiw.
Narekober ha area an duha (2) nga patay nga manok; duha (2) nga buhi nga manok.
Maatubang an suspek hin kaso ha pagtalapas han PD 1602 o illegal cock fighting.
