34 ka mga centenarians sa rehion 12 nakabaton sang 100k halin sa DSWD.

27

Naglab-ot na sa 34 ka mga tigulang nga nagaedad sang 100 years old ang nakabaton sang cash aid halin sa national government. Ini ang ginkumpirmar ni Department of Social Welfare and Development ukon DSWD 12 regional director Cezario Joel Espejo.
Ang nasambit nga mga centenarians suno pa ang ginhatagan sang felicitation nga pirmado ni President Rodrigo Duterte kag P 100,000 cash sa idalom sang Centenarians Act of 2016 ukon Republic Act No. 10868.
May-angot sini, nagagalab-ot sa P3.4 million ang narelease sang ahensya sa nasambit nga mga recipients nga gamiton naman sang mga ini sa pagbakal sang pagkaon, bulong, vitamins kag iban pa nila nga kinahanglanon.
Samtang ginaawhag niya naman ang mga may himata nga nga naglab-ot sa 100 ang edad ang magcoordinate lang sa mga local government units sa diin sarang lamang nga ipresentar sang mga immediate families sini ang birth certificate, passport, Office of the Senior Citizen Affairs (OSCA) ID, marriage certificate, ukon anuman nga ID nga nagapamatuod sa centenarian’s birthday.

Facebook Comments