34 ka sachet sang suspected shabu , narecover sang kapulisan sa isa ka buybust operation sa Janiuay, Iloilo

Naglab-ot sa 34 tanan ka sachet sang suspected shabu ang nakuha sang mga kapulisan matapos ginpa-idalom sa buybust operation si Edmund Defensor Jr., alyas Kano, 51 anyos kag residente sang S. M. Villa , Janiuay, Iloilo.

Lakip man sa narecover sang kapulisan ang 3,400.00 nga buybust money.

Nakahunong na ang suspek sa Janiuay Municipal Police Station kag magapangatubnang sang kaso sa paglapas sa R.A. 9165.