GENERAL SANTOS CITY – Presohan ang gilandingan sa mag-asawang suspek laing duha nga kauban sa pagpayuhot og iligal nga droga human silang nalit-ag sa joint buy-bust operation sa Philippine Drug Enforcement Agency og General Santos City Police Station 3 sa Superville Subdivision sa Barangay Lagao niaging Byernes sa udto.
Anaa sa targetlist sa PDEA 12 ang usa sa mga suspek samtang mga high-value target usab sa mga pulis ang laing tulo nga nadakpan.
Narekober gikan sa upat ka suspek ang tulo ka gagmayng pakete og dakong pakete sa gituohang shabu na may timbang bana-bana 50 gramo balor og P340,000.
Giila ang mga suspeK nga silang Amed Moraga alyas Boyet, 39, mag uuma, Wendilyn Moraga, 37, Isagani Manza Jr. 29, ug Saturnino Masinogot Jr., 25, driver parehong lumulopyu sa Barangay Batomelong, Gensan.
Gihimakak sa mga suspek nga ilaha ang mga nakuha nga ebidensya sa nag-operate nga tropa batok iligal nga droga.
Matod sa spokesperson sa PDEA 12 nga si Joni Ress Layso, dugay nang gipanid-an ang mga suspek kung asa kanhi na silang galihok sa Barangay Batomelong apan nibalhin sa Barangay Lagao.
Atubangon karong adlawng Lunes sa piskalya ang kasong ipasang-at sa PDEA 12 may kalabotan sa Republic Act 9165 o Comprehensive Dangerous Drugs Act ang mga suspek.
For more info’s and updates, like and share our official facebook account : www.facebook.com/ifm91.9Gensanofficial/
