Mokabat sa 346 ka New Peoples Army o NPA ang misurrender sa 4th ID human gilusad ang gikabutyag nga peaceful war karong tuiga.
Nasayran nga ulahing misurrender sa Talacogon, Agusan del Sur ang siyam ka NPA diin duha niini ang giingong commanding officers, usa ka leader, duha ka team leader, duha ka medics ug usa ka supply officer.
Gisurrender usab nila ang nagkadaiyang armas ug explosives lakip na ang duha ka M16 rifles, duha ka garand rifle, usa ka 45 carbine rifle, usa ka improvised M79 grenade launcher, tulo ka 45 pistol ug usa ka hand grenade.
Gikabutyag ni 401st Brigade commander Brigadier General Andres Centino nga karon ang saktong panahon sa NPA nga mosurrender.
Samtang, matud ni Brigadier General Franco Nemesio Gacal, ang commander sa 4th ID nga ang mga programa sa gobyerno nagpamatood nga dunay kalinaw sa kinabuhi nga naghulat sa mga kanhi NPA.
