Nakabaton sang cash assistance ang 354 ka mga benepisyaryo sa probinsya sang Sultan Kudarat halin sa Department of Social Welfare and Development Office ukon DSWD 12.
Sa nasambit nga numero, 175 ka mga benepisyaryo ang halin sa banwa sang Lutayan kag 179 ka mga benepisyaryo naman sa Columbio ang nakabaton sang P14,500 sa idalom sang Livelihood Assistance Grant (LAG).
Nahibaluan nga ang LAG ang isa ka financial assistance nga ginahatag sa mga kwalipikado nga pamilya nga ang pangabuhian ang apektado sang implementasyon sang community quarantine tungod sa COVID-19 pandemic.
Ginsiguro naman sang Sustainable Livelihood Program (SLP) staff sang DSWD ang pagsunod sa health standards sa ginpatigayon nga simultaneous distribution sang LAG sa mga benepisyaryo.
