Davao City- Walay luna sa serbisyo sa kapulisan ang mga personahe nga naggamitan og droga.
Kini maoy bahad giluwatan karon ni Davao City Police Office (DCPO) chief Sr. Supt. Alexander Tagum atol sa interbyu sa mga tigbalita.
Subay sa tinguha nga limpyohan ang ilang han-ay gikan sa mga drug users, nagpahigayon og surpresang drug test ang DCPO ngadto sa 367 ka mga mga ginsakpan niini gikan sa foot patrol group lakip kadtong mga DCPO headquarter personnel.
Segun ni Tagum nga ang ‘surprise drug test’ kabahin sa ilang ‘internal cleansing’ sa PNP ug silbi usab nga tubag sa mga giingong reports nga adunay gikatahapang mga pulis nga nalambigit sa droga dinhi sa dakbayan.
Mahibaw-an gilayon ang resulta sa gikasang drug test karong adlawa. Kini maoy labing unang gihimong surprise drug test ubos sa liderato ni Tagum.
Kahinumdoman nga una niini, gimando ni Mayor Inday Sara Duterte-Carpio ang paglusad sa susamang random drug test sa city government diin tulo ka mga personahe nag-positibo.
Sipa gilayon ang nasangpit nga mga erring personnel uban ang warning sa alkalde nga walay santuhon ang kampanya kontra droga dinhi sa syudad.
RadyoMan Aimee Guinita
