Ramon Magsaysay – Patay ang usa ka 37 anyos ga lalaki human gipusil sa wala mailang mga suspek kagahapon dihang dapita sa National Highway sakop sa Purok 2, Brgy. Paradise, Ramon Magsayay , Zamboanga del Sur.
Giila ang biktima nga si Melanio Macalib-og, lumulupyo sa nahisgutan nga lugar.
Sa imbestigasyon sa kapulisan sa lungsod sa Ramon Magsaysay nasayran nga samtang gimaniho sa biktima ang iyang single motor kalit nga nibutho ang mga suspek og gipusil si Macalib-og sa makaduha nga higayon hinungdan sa hinanali niini nga kamatayon.
Nakuha sa dapit nahitabuan ang duha ka bala sa calibre 45 nga pistola nga maoy gigamit sa mga suspek.
Balos maoy usa sa angulo nga gisundan karun sa kapulisan dihang nasuta nga ang napatay nga biktima maoy gitudlong responsable sa pagtipi niadtong oktobre 27, 2017.
