Tambulig, Zamboanga del Sur – Gipaslak na karun sa Tambulig Municipal Police Station lock up cell ang 37 anyos nga lalaki human kining nakuhaan og armas ug mga bala atol sa gilusad nga police operation alas 3:50 kagahapon sa hapon.
Ang nihimo sa operasyon mao ang elemento sa kapulisan sa lungsod sa Tambulig kauban ang tropa sa Provincial Intelligence Branch diin didto natigayon sa Purok 3,Brgy. Bag-ong Kauswagan, Tambulig, Zamboanga del Sur.
Armado ang otoridad sa Warrant of Arrest sa kasong paglapas sa Akta Republika Republic Act 9516 o Illegal Possession of Explosives .
Wala na makalugnot pa ang target nga si Rache Yamuta Calabay residente sa nahisgutang lugar. Nakuha gikan sa suspek ang Calibre 45 nga pistola nga dunay tulo kabuhing bala ug usa ka granada.
Giandam na ng posibleng dugang kaso nga atubangon sa dinakapan.
