Gin-turn over ni Police Chief Inspector Conrado Rances III, 35 anyos sang Brgy. 8, San Miguel , Iloilo kag assigned sa 6th Regional Finance Division sang PRO-6 ang pusil sa San Miguel police station matapos aksidente nga malukpan ang isa ka sibilyan.
Santo sa imbestigasyon sang San Miguel PNP, nagakaon si Rances sa isa ka burger stand sa Roxas St., Brgy. 1, San Miguel , Iloilo alas 10:30 sang Miyerkules sang gab-i , Oktubre 25 kon sa diin yara man ang tatlo ka mga lalaki kag ginapatihan yara sa impluwensya sang makahulubog nga ilimnon.
Nag-estoryahanay si Rances kag ang mga lalaki kon sa diin isa sa mga ini ang ginkilala kay Sunday Cansancio, 37 anyos sang San Miguel St., San Miguel , Iloilo kag namangkot , ” Insa taga diin man timo haw ?”.
Bangud daw kasubong nga arogante ang panghambal, nagpakilala nga police officer si Rances apang imbes nga magkalma, liwat nagkawas sa subject person ang mga tinaga nga ” Sin-o kaw gid haw, kay police kaw tiruhon mo ko ?”
Gilayon gin-uyatan ni Cansancio ang armas luthang nga nakasukbit sa kilid ni Rances kag nag-agaway rason nga aksidente naglupok ang caliber 9mm kag naigo sa wala nga paa si Casancio.
Gilayon ini gindala sa hospital samtang ginsungka naman ni Police Chief Inspector Rances ang pusil sa police station.
Updating …
