Nasunog ang 37 ka mga balay sa Purok 6, Barangay Gusa ning syudad kagahapong adlawa.
Matud ni SFO2 Dennis Dales, Fire Investigator sa Central Fire District nga mokabat sa 1.8 million pesos ang damyos sa maong sunog.
Nasayran nga nagsugod ang sunog mga alas 10:55 sa buntag ug napalong kini mga alas 2 sa hapon.
Nikabat sa ikaduhang alarma ang sunog kung asa nikabat sa 66 ka mga pamilya ang apektado.
Base sa imbestigasyon nga nagsugod ang sunog sa ikaduhang andana sa balay nila Sonny ug faustina Jaime.
Sa karon, temporaryong nagpuyo ang mga biktima sa covered court sa Barangay Gusa.
Facebook Comments
