37 ka bata gitunulan og gasa sa 1001st Infantry Brigade Philippine Army

Gilipay sa 1001st Infantry “Pagasa” Brigade Philippine Army ang mga kabataan nga nag-istar sa Angel’s Haven Institute nga nahimutang sa Riverbank Ayala, Apokon, Tagum City, Davao Del Norte.

Sa suwat pamahayag nga gipagawas ni 10ID Spokesperson Army Major Mark Anthony Tito, mukabat sa 37 ka bata nga dunay special needs sa maong istitusyon ang nalipay human silang gitunolan og mga gasa kon regalo isip pagpakita sa isinsiya sa diwa sa pasko sa 1001st Infantry Brigade gikan sa 10ID Philippine Army ngadto kanila.

Gipangunahan ni Brigadier General Felix Ronnie B. Babac, 1001st Brigade Commander sa donasyon.

Naghatag sab ang militar og 75-inches nga Led Television, tulo ka wheelchairs, duha ka heavy duty nebulizers nga dunay 20 ka nebulizing kits, ug mga dulaan.

Gihatagan og gibug-aton ni DSWD XI Center Head Edgardo Requilme ang mga kabataan gumikan sa ilang mga sirkumstansiya giatubang diha sa pag-abandona, gipasagdan, ug diagnostic with intellectual disabilities ug neurodevelopment disorders.

Nagpadayag og pagpasalamat si General Babac sa tanang nahimong partners ug stakeholders kinsa mipartisipar sa 1st Commander’s Cup of the 1001st Brigade.

RadyoMaN Joel Viray