Zamboanga del norte-Padayon pa karon nga gi validate sa taga PDEA ang matag barangay sakop ning probinsya sa Zamboanga del norte may kalabot gihapon kini sa guinadiling droga.
Ilabi na nga bisan hugot ang pakigbatok sa droga sa mga kapulisan ug PDEA ning probinsya pero aduna gihapon pipila ka mga indibidwal ang madakpan ug makuhaan ug droga.
Kini karon ang gipaningkamotan sa PDEA9 pinaagi ni Philippine Drug Enforcement Agency (PDEA) Regional Director Laurefel Gabales, nga kinahanglan mapapas na gayud ang droga dinhi sa probinsya.
Sa nahipos nga datos sa PDEA ug PNP dinhi sa rehiyon alang sa bulan sa Marso 1, 2019 may kalabot kini sa mga drug cleared barangay mao kini ang mga mosunod; alang sa probinsya sa Zamboanga del sur, adunay 681 ka barangay apan ang drug cleared niini anaa lamang sa 293, sa Zamboanga Sibugay, adunay 389 ka barangay, apan anaa sa 47 ang drug cleared samtang ang proibnsya dinhi sa Zamboanga del norte moabot sa 691 ka barangay pero halos katunga pa ang drug cleared niini nga anaa lamang sa 314.
Sa laing bahin ang Isabela City adunay 9 ka barangay ang drug cleared 36 kabarangay adunay pa gihapon droga ug sa Zamboanga City sa 98 ka barangay 5 lang ang drug cleared.
