38 Anyos nga babaye gitigbas sa hubog

Lapuyan, Zamboanga del Sur – Sa prisohan na nahuwasan sa kahunog ang 65 anyos nga mag-uuma nga maoy responsable sa pagpanigbas didto sa Purok 1, Brgy. Tipasan, Lapuyan, Zamboanga Del Sur alas 6:30 sa sayong gabii adtong adlaw nga huebes.
Gipaslak na sa Lapuyan MPS Detention cell si Edwun Sipate nga maoy nitigbas sa biktima nga si Lodyvina Cagabcabon Sipate, 38 -anyos babaye diin managsamang lumulupyo sa nasangpit nga lugar.
Sa inisyal nga imbestigasyon hubog matud pa ang suspek ug naghurmintado rason nga gibadlong sa biktima apan kalit nga nikuha og sundang ang hubog nga suspek ug largong gitigbas ang biktima hinungdan sa pagkaigo sa wala nga dungan niini.
Nakasibat dayon ang biktima og nagpatabang sa mga silangan busa nadala dayon kini sa Lapuyan Municipal Health Center samtang ang suspek dali ra nga nadakpan.

Facebook Comments