38 anyos nga lalaki giluba sa lungsod sa Tambulig

Tambulig, Zamboanga del Sur – Personal nga bangi ang gisundan sa kapulisan nga motibo sa nahitabo nga pagpangluba kagabii sa sa Merkado Publiko sa Poblacion, Tambulig, Zamboanga del Sur alas 6:30 kagabii.
Giila ang biktima nga si JOHNNY BERDAGA CORALES, 38 anyos , mag-uuma ug residente sa P- 4, Barangay Sta Cruz, Mahayag, ning probinsya, samtang anag suspetsado nailhan nga si ROLDAN RAMIREZ “a.k.a.” Dandan, lumulupyo sa P-5, Barangay Happy Valley, Tambulig, Zamboanga del Sur.
Sa inisyal nga imbestigasyon nasayran nga giluba sa suspek ang biktima gamit ang hunting knife og nakahiagom kini’g tulo ka samad nilubaan sa iyang lawas rason nga daling gidala sa Happy Valley Community Hospital, sa lungsod sa Tambulig apan gibalhin sa MHARS General Hospital sa Ozamiz City alang sa medikasyon .
Samtang padayon usab nga gipangita ang suspek nga nakaikyas ug nagtago-tago sa sa Barangay Limamaan, Tambulig,.
Nakuha ang ebedinsya nga kutsilyo nga maoy gigamit sa pagdungab.
Gikustodiya usab sa presinto sa tambulig PNP si MARIO EBARLE, 58 anyos, nga maoy gitudlo nga hinungdan sa kagubot.

Facebook Comments