General Santos City—balhog na sa silda sa Alabel PNP ang usa ka 38 anyos nga lalaki human nakuhaan ug armas ug bala sa gihimong ronda sa Alabel PNP niadotng nakalabayng adlaw sa may Block 11, Barangay Spring, Alabel, Sarangani Province.
Giila ni Police Chief Inspector Benjie Ancheta, Hepe sa Alabel PNP ang suspek nga si Jonathan Villegas, 38, residenti sa maong lugar.
Alas 4:25 ang takna sa kabuntagon niadtong Hwebes, July 27, 2017 dihang gihimo ang operasyon batok sa suspek nga miresulta sa pagkasikop sa nahisgutan human nakuhaan ug kalibre 45 nga pistol ug mukabat sa (7) ka mga buhing bala.
Wala na mipalag ang nahisgutan human nga tataw nga mga ebidensya ang nakuha gikan sa iyang panimalay.
Sumala ni PCI Ancheta nga nakadawat sila ug report nga matudpa nag hupot ug armas ang nahisgutang suspek rason nga ila dayon nga gipahigayonan ug operasyon.
Kasong paglapas sa RA 10591 ang gipasang-at nga kaso sa kapulisan batok sa suspetsado kansa pabiling balhog karon sa silda sa Alabel Police Station.
