38 ka drug personalities nga ara sa target list sang kapulisan, indi na makita diri sa syudad sang Iloilo

451

ILOILO CITY – Nagpasar sang resolution ang Iloilo City Anti-illegal Drug Council (ICADAC) nga nagarekumendar sa Philippine National Police (PNP) kag Philippine Drug Enforcement Agency (PDEA) nga kakason na sa watchlist ang 38 ka mga drug personalities nga indi na malocate sang otoridad.

Ini ang ginduso ni ICPO Dir. Senior Supt. Remus Zacharias Canieso, paagi sa sulat nga ginpadala niya sa ICADA sadtong Hulyo 26.


Ang listahan ginalakipan sang 19 ka High Value Targets ukon HVT kag 19 ka Street Value Targets ukon SVT.

Sa 38 ka targets nakalista ang 12 (9 HVTs, 2 SVTs) sa Iloilo City Police Station (ICPS) 1, lima sa ICPS 2, pito sa ICPS 3, syam sa ICPS 4, apat sa ICPS 5, kag duha sa ICPS 6.

Gin-ako ni Canieso nga sa ila monitoring indi na makita ang mga ini sang duha tubtob anom ka bulan.

Magaagi naman ini sa maid-id nga proseso kun sa diin magasubmit sang certification ang barangay anti drug abuse council nga igaverify sang regional oversight committee kag ipasa sa national office nga amo ang magahatag sang pinal nga approval.

Facebook Comments