. 38 ka mga pribado nga eskwelahan sa rehiyon dose nagsuspindir sang operasyon subong nga school year.

82

Nagalab-ot sa 38 ukon 6.26% ka mga pribado nga eskwelahan sa rehiyon dose ang nagsuspindir sang operasyon subong nga school year base sa datos sang Department of Education ukon Dep. Ed. 12.
Suno kay Dep. Ed. 12 Regional Director Dr. Allan Farnazo sa nasambit nga numero 24 dire ang kinder, 5 sa elementarya, 4 sa junior high school, isa sa senior high school kag apat sa integrated school.
Madamo naman sang mga private schools nga nagsuspindir sang operasyon sa South Cotabato division nga may 11, General Santos City -6, Kidapawan City, kag Cotabato Province may tig – 5, Cotabato City -4, Saranggani – 3, Sultan Kudarat kag Tacurong City may tig – duha.
Samtang wala naman sang private school sa Koronadal ang nagsuspindir sang operasyon subong nga school year.
Ginkumpirmar man sang regional director nga kadam-an sa nasambit nga mga private schools nga nagsuspindir sang operasyon ukon sang klase ang church based, magamay ukon wala sang enrollees subong nga school year kag subong man ang hangkat sa ila tuga sang COVID-19 pandemic.
Base sa datos yara naman sa 583 ukon 96.05% sa masobra 600 ka mga private schools sa rehiyon ang nagpadayon sang ila nga operasyon subong nga school year sa tunga sang COVID-19 pandemic.

Facebook Comments