Davao City- Striktong gipatuman sa LGU Davao ang COVID-19 measures ngadto sa mga nangabot nga mga OFWs sa Davao Interational Airport ilabina na anaa ang hulga sa COVID-19 variants.
Sa interbyu sa RMN Davao kang City Tourism Operations Office chief Generose Tecson, niabot sa syudad sa Davao kagahapong adlawa, Agosto 11, 2021 ang 387 ka mga pasahero gikan og Muscat, Oman diin 335 kanila mga OFWs samtang 29 nila ka mga dependents, 5 ka mga infants ug 16 ka mga non-OFWs.
Segun ni Tecson, tanang mga air passengers gikinahanglang makapresenta og RT-PCR test result nga negatibo kini sa COVID-19.
Gibutyag ni Tecson,hugot gipatuman ang 14 days quarantine ilabina sa mga gikan sa restricted countries ug i-swab kini sa ika-pito ka adlaw.
Sa pagkakaron, anaa sa 1,185 ang naka-quarantine sa mga hotels dinhi sa syudad.
Sumala sa City Tourism Operations Office nga ikapito na kini ka batch nga naasister sa LGU Davao ug OWWA XI ug niadtong Agosto 8, sa 1,442 pasaherong, 18 ang nagpositibo ug 9 kanila ang na-release na sa isolation.
RadyoMaN Aimee Guinita
