Gisugdan ang aktibidad pinaagi sa National Anthem, Tayo’y Dabawenyo Song, Tri-Prayer ug presentasyon gikan sa University of Mindanao.
Naghugyaw ang mga Dabawenyo tungod sa kanindot sa mabulokong mga ethnic-inspired nga mga dekorasyon, pasundayag, lights ug background nga digital screen.
Mas nahimong masadya ang pag-abli sa Kadayawan Festival 2023 gumikan sa colorful tribal attire nga gisuot sa mga Deputy Mayor ug sa mga Hiyas sa Kadayawan candidates karong tuiga.
Gipiling tema sa kasaulogan karong tuiga ang ‘Suga sa Tribo’ sentro diha sa onse ka mga ethnolinguistic groups, ka abunda sa mga abot kun harvest nga maoy hinungdan kung nganong adunay selebrasyon sa Kadayawan kada tuig.
Gi-welcome ni Mayor Sebastian ‘Baste’ Duterte ang tanang mga Dabawenyo ug ang mga bisita diin mao kini ang ikaduhang higayon nga naka-selebrar ang dakbayan sa Kadayawan human sa COVID-19 pandemic.
Wala nahimong babag ang diperensiya sa kultura, tradisyon ug tinuhoan diha sa pagbaton sa panaghiusa, kalinaw ug kalamboan sa dakbayan, segun sa nahimong mensahe nila ni Kadayawan Execom Head Nicole Bian Ledesma ug ‘Youth Mayor’ Elysse Cano atol sa ilang pagpakigpulong.
Matud ni Duterte, lahi ra gyud ang atong syudad kung itandi sa ubang lugar sa nasud bisan pa man taliwala sa cultural diversity niini.
Gidapit sa mayor ang mga Dabawenyo ug ang mga bisita nga maglipay niining tinuig nga selebrasyon apan gikinahanglang ipatigbabaw usab ang kultura sa seguridad o ‘culture of security’ aron sa ingon walay dautang elementong maka sabotahe sa selebrasyon.
Sa katapusan, gisaksihan sa onse ka mga Deputy Mayors ang pagpatingog ni Mayor Baste sa agong sa makatulo ka higayon isip timaan sa hingpit nang pagbukas sa Ika-38ng kasumaran sa highly popular nga annual city thanksgiving festival.
Paminawa ang report ni RadyoMaN Joel Viray
