Daling midangop sa Police Station 6, Puerto ang usa ka 51 anyos nga babaye human kini gipasanginlan og kawatan ug gihulga nga sunogon ang ilang panimalay.
Saysay sa biktimang si Adeline Madelo, nga taga Purok 1, Puerto, alas 11:50 ang takna niadtong Mayo 25, kalit lang nag-singgita gawas sa ilang balay ang usa ka Webster Aligarbes, 39 anyos nga residente sa Purok 3 Baloc-Baloc, Puerto.
Gitoohan nga ubos sa ilimnong makahubog ang suspek dihang gihimo niini ang pagpanghulga hinungdan sa pagka-alarma sa biktima.
Ang maong kaso daling gi-refer sa barangay Lupon alang sa tukmang disposasyon.
Facebook Comments
