Detinado karon sa Opol Municipal Police Station ang 39 ayos nga si Efren Lumen, nga taga-Zone 7, Barra, Opol, Mis. Or., human kini nasapong nag-pot session sa ilang pinuy-anan.
Nasayran nga adunay mireport sa buhatan sa Opol PNP, hinungdang ila kining girespondehan pinaagi sa pagpanguna ni Police Senior Insp. Dennis Flores, ang officer-incharge ug sa Misamis Oriental Provincial Drug Enforcement Unit nga giunhan ni Police Senior Insp. James Bastatas.
Tuod man, ilang nasapon sa akto ang suspek nga nagsuyop og shabu ug nakuha usab gikan sa posisyon niini ang usa ka sachet sa shabu, nga nagtimbang sa 0.03 grams ug mga drug paraphernalia.
Sa karon, anaa na ang mga nakuhang ebedensya sa regional laboratory sa P-DEA 10 ning syudad, samtang naghulat na lamang ang suspek sa kasong ipasaka batok kaniya.
By; Radyoman Aiza Enloran and Ellah Baculio
