ILOILO City – Nagpasalig ang Iloilo City Police Office (ICPO) sang seguridad sang mga magatambong sa Iloilo Dinagyang festival.
Ini bangud magadeploy ang ICPO sang 3,000 ka personnel gikan sa nagkalain nga national agencies kag volunteer groups sugod Enero 21 tubtob sa Enero 28 agud magpasiguro sang peace and order sang 50th Dinagyang festival.
Pila sa mga security measures nga ipatuman sang ICPO amo ang pagdumili sang backpacks, deadly weapons, buckle knife kag iban pa nga makatalagam nga kagamitan.
Suno kay Iloilo City Police Office (ICPO) Deputy Chief of Operations and Planning Section Insp. Marcilyn Duero may kapulisan nga magarekisa sa mga magasulod sa parade areas.
May kapulisan nga ipahamtang sa 11 ka sectors nga ginalakipan sang plaza libertad; freedom grandstand; plazoleta gay; capitol area; quezon area; sa ledesma street malapit sa robinsons place; gaisano capital kag university of iloilo sa downtown; esplanade; Plazuela de Iloilo; Megaworld kag city time square sa Mandurriao ; entry kag exit points sang staging areas, kag boundaries sang metropolis. /// photo from web
