3K rice retailers natagaag ayuda sa Davao Region — DTI 11

Davao City- Musumada sa 3,000 ka mga kwalipikadong rice retailers nga apektado sa gipatumang Executive Order (EO) 39 kun rice price ceiling sa entero Davao Region ang nahatagan og pinansyal nga ayuda niadtong bulan sa Setyembre,2023.

Sumala ni Maria Belenda Ambi, Regional Director sa Department of Trade and Industry 11, kini ang mga benepisyaryong nagpatuman og P45 ug P41 kada kilo sa bugas sa ilahang nga tindahan.

Nidawat kini og tag-P15,000 nga cash aid.

Subay niini gikatakdang i-release ang payout ngadto sa pinakaulahing nga rice retailers kinsa mga namonitor ug na-validate na sa DTI 11.

Nasumite na ngadto sa Department of Social Welfare and Development (DSWD) Region 11 ang katapusang listahan sa mga mudawat og ayuda ilawom sa DSWD’s Sustainable Livelihood Program.

Gibutyag usab ni Ambi gikan sa listahan sa Business Permit and Licensing Office (BPLO) nga 6,000 ka mga rice retailers daghang na-disqualify tungod wala na kini nag-operate, wala namaligya’g bugas ug wala nisunod sa suggested price ceiling.

RadyoMaN Aimee Guinita