Davao City – Nadawat na sa mga residente ang mga food packs sa Brgy. 31-D, Davao City ang 3rd batch sa relief goods gikan sa lokal nga panggamhanan sa syudad sa Davao.
Sa interview sa DXDC RMN Davao, gibutyag ni Brgy. 31-D Kapitan Joel Landero, kapin 3,000 ka mga pamilya ang gitunolan sa dugang hinabang sa iyang Barangay.
Matud ni Kapitan Landero nga apil sa nakadawat ang mga boarders ug sharers sa iyang Barangay ug halos tanang pamilya ang natunolan na sa maong hinabang kansa apektado sa COVID-19 crisis.
“Naa nay ikatulong hugna sa distribution sa atoang mga ayuda nga food packs gikan sa syudad sa Davao nga ila nang gihinay-hinayan og house to house. Kamo mga residente sa Barangay 31-D, ayaw mo kabalaka kay naa na diha karon ang inyong mga bugas ug delata ihatod na sa inyong tagsa-tagsa ka purtahan”, saysay ni Kapitan Landero.
RadyoMaN Don Pulayao
