Davao City – Adunay mga bun-og sa liog ug unconscious nga naabtan sa 17 anyos ang iyang 4 anyos nga manghod nga ginakarga sa ilang alegasyong mentally challenged nga inahan, alas 12:00 sa udto niadtong Hunyo 29, 2023 sa Purok 2, Brgy. Subasta, Calinan, syudad sa Davao.
Sa interbyu sa DXDC RMN Davao kang Police Captain Hazel Tuazon, Davao City Police Office (DCPO) Spokesperson gibutyag niini, daling gidala sa magulang ang biktima sa Brgy. Subasta Health Center, apan wala gihapon kiniy response.
Gihatod na sa hospital sa Calinan ang 4 anyos ug gideklara na kini sa attending physician nga wala na kiniy kinabuhi ug gidudahang gituok sa suspek kinsa inahan sa biktima.
Gikustodiya na ang suspek sa Calinan Police Station ug gikatakdang ihatod usab sa SPMC – Institute of Psychiatry and Behavioral Medicine kun kanhi Davao Mental Hospital.
Samtang ang patayng lawas sa biktima gidala sa Freedom Life Funeral Homes sa Calinan, Davao City.
RadyoMaN Aimee Guinita
Facebook Comments
