Davao City – Nangayo karon og hustisya ang kapartidosan sa 4 anyos nga batang babaye human lugusa sa usa ka ulitawong guwang sa lungsod sa Sta Maria Davao Occidental.
Sa interbyu sa DXDC RMN Davao sa kaparyente niini miingon kini nga naaktuhan sa apohan sa biktima ang suspek nga si alyas Weng Weng, traysikad drayber kinsa residente sa Barangay Poblacion nga nagpatong na sa iyang apo diin wala nay sapot alas sais pasado sa kahapunon.
Daling mikaratil sa pagsibat ang suspek samtang nagpatabang ang mga tagtungod sa Sta Maria PNP ug dali usab nga napasaka ang kaso sa korte rason sa pagpagawas og orden de aresto.
Nanawagan ang mga kapartidosan sa Sta Maria PNP nga sikopon ang suspek tungod kay adunay impormasyon nga gitagoan lamang ang suspek sa iyang mga paryente nga yutaan ug iladong pamilya sa lungsod sa Sta Maria Davao Occidental.
RadyoMaN Erin Lumosbog
