Cuatro persona ya sale arestao na dos separao operacion contra droga projibido del mas reciente.
Alas 6:30 del noche del Webes, maga pulis del PRO9 Drug Enforcement Unit ya aresta con canda Freddie Gregorio Deriza, 37, soltero del San Roque y Philip Jayson Roca Jayari, 33, de Recodo.
Maga pulis ya confisca desde canila el un paquete de shabu y el marked money.
De mas temprano banda alas 5 del tarde, el maga pulis del City Police Office ya puede tambien cuji con canda John Mark Macrohon Muksan, 22 de Mampang y con Ahmad Khan Hainga Muksan, 20, de Talon-Talon.
Maga pulis ya recobri desde canila el dos paquete de shabu, dos paquete de marijuana y P200 marked money.
Todol cuatro maga suspechao ya detene na estacion del pulis pendiente el plantada de caso na corte.
