CON CUATRO MAGA HIGH-RISK PRESONERO, TODO MAGA MIEMBRO DEL ABU SAYYAF GROUP DEL SAN RAMON PENAL COLONY YA TENE QUE LLEVA Y CAMBIA NA PRISON FACILITY NA TAGUIG SEGUIENDO CON EL INTELLIGENCE REPORT QUE TIENE UN GRUPO QUIERE MAN RESCUE CANILA. PRINCIPIANDO DEL LUNES YA PONE BAHO NA ALERT STATUS NA FACILIDAD DONDE YA TENE PA QUE PIDI AUGMENTATION FORCE EL BUCOR DESDE CON EL PHILIPPINE MARINES. PORCAUSA CON ESTE YA PIDI TAMBIEN COURT ORDER EL BUCOR PARA QUITA CON EL MANA HIGH-RISK PRISONERS Y LLEVA NA TAGUIG DONDE SILA AY CONTINUA SIRVI CON EL SENTENCIA. DOS DEL MAGA PRESONERO YA LLEVA NA MENCIONAO LUGAR DEL MIERCOLES TARDE MEINTRAS CON EL OTRO DOS AYER AGA. EL DXRZ RMN ZAMBOANGA YA PRECURA SACA PALABRA DESDE CON EL PRISON WARDEN DEL SAN RAMON PENAL COLONY PERO NI NOHAY LE PERMITI MANDA ENTRA NA GATE DEL SAN RAMON PENAL FARM CON EL TEAM. NOHAY TAMBIEN DESIGNAO PERSONA QUIEN PUEDE DALE OFFICIAL STATEMENT PARA ACLARA CON EL PUBLICO AMEDIANTE CALAYAT YA EL ISTORIA. HINDE PA CLARO ESTE MAGA TIEMPO SI TIENE PA OTRO MAGA PRESONERO CON QUIEN AY LLEVA TAMEN NA TAGUIG CITY.
Facebook Comments
