4 dakpan sa buybust sa Tagum, dul-an P500K shabu nasakmit

Davao City – Kasong paglapas sa Republic Act 9165 (Comprehensive Dangerous Drugs Act of 2002) ang atubangon sa upat ka mga indibidwal nga nadakpan atol sa buy-bust operation sa Pearl Street, Purok Cogon, Barangay Visayan Village, Tagum City, Davao del Norte mag-alas 4:00 sa hapon niadtong Oktubre 10, 2023.

Sa report nga gipadala sa DXDC RMN Davao gikan kang Police Lieutenant Colonel Jeffrey Latayada, Office-In-Charge sa Tagum City Police Station, ang mga dinakpan nailang sila Akmad Agawi, 35 anyos nga taga Marantao, Lanao Del Sur (High Value Individual); Albin Pumar 43 anyos, taga Barangay Visayan Village, Tagum City; Sanjie Osmin 36 anyos, taga Barangay Liboganon, Tagum City; ug Yasser Tina 42 anyos, taga Barangay Balangasang, Pagadian City.

Atol sa operasyon sa pagpanguna sa Philippine Drug Enforcement Agency (PDEA)-XI ug uban pang law enforcement agencies, nakuha sa mga dinakpan ang kapin kun kulang 70 gramos sa gituohang shabu nga mukantidad og P476,000.

Padayon ang panawagan sa otoridad sa Tagumenyos nga i-report ang mga iligal nga aktibidad sa palibot aron kini gilayong maaksyonan.

RadyoMaN Kirby Manzon